Almatyda kovıd statsıonarlar jabylyp jatyr

ALMATY. QazAqparat – Almatyda koronavırýs juqtyrǵan naýqastarǵa arnalǵan statsıonarlar jabylyp jatyr. Bul týraly onlaın brıfıng barysynda Qoǵamdyq densaýlyq saqtaý basqarmasynyń basshysy Narıman Tabynbaev málim etti, dep habarlaıdy QazAqparat tilshisi.

«Qalada koronavırýs ınfektsııasyn juqtyrǵan naýqastar sanynyń azaıýyna baılanysty, ınfektsııalyq statsıonarlar, kópbeıindi aýrýhanalar aqyryndap qalypty jumysyna oralady. Sonymen, «Teri-venerologııalyq dıspanseri», «Qalalyq revmatologııalyq ortalyq», «HAK Medical» klınıkalyq statsıonary, «B. Jarbosynov atyndaǵy ǵylymı ýrologııa ortalyǵy», «Astana International» qonaq úıi kúndelikti jumysyna kiristi»,- deıdi spıker.

Onyń aıtýynsha, kesheden beri «Halyq arena» sport keshenindegi statsıonarlarǵa naýqastardy qabyldaý toqtatyldy.

«Bul nysan jańa jylǵa deıin rezervte bolady. Eger, vırýs juqtyrǵandar sany kúrt ósip ketetin bolsa, qaıta ashatyn bolamyz. Sonymen qatar, osy aptada kardıologııalyq ortalyq pen jedel járdem aýrýhanasynda ashylǵan provızorlyq ortalyq jabylady», - dedi Narıman Tabynbaev.