Almatyda kottedj jaldap, toı jasaıtyndar jazalana ma

ALMATY. QazAqparat - Almatyda kottedj jaldap, merekelik shara uıymdastyratyndardy jazalaý mehanızmi qarastyrylyp jatyr. Bul týraly onlaın brıfıng barysynda qalalyq sanıtarııalyq-epıdemıologııalyq baqylaý departamenti basshysynyń orynbasary Sádýaqas Baıǵabylov aıtty, dep habarlaıdy QazAqparat tilshisi.

Brıfıng barysynda jýrnalıster spıkerden «monıtorıng toptary jalǵa alynǵan kottedjderdegi sharalardy toqtata ala ma?» dep surady

«Búgingi kúni bul - mańyzdy máseleniń biri. Sebebi tek bizdiń qalada ǵana emes, Qazaqstannyń basqa óńirlerinde de kásipkerler kottedjde shara ótkizip júr. Qazirgi ýaqytta biz bul máselemen aınalysyp jatyrmyz, belgili bir zańnamalyq máseleler bar, óıtkeni bul - turǵyndardyń jeke aýmaǵy. Uıymdastyrýshylardy da, qala turǵyndaryn da tekserý jumysyn qarastyryp jatyrmyz. Arnaıy mehanızm jasalady», - dedi Sádýaqas Baıǵabylov.

Aıta keteıik, Almaty epıdemıologııalyq jaǵdaı boıynsha áli de «qyzyl» aımaqta tur.

Ótken táýlikte qalada 526 adamnan koronavırýs anyqtalǵan.