Almatyda qosymsha «Sergek» kameralary ornatylady

ALMATY. QazAqparat – Bıyl Almatyda «Sergektiń» qosymsha 360-tan astam posty ornatylady, dep habarlaıdy QazAqparat tilshisi qala ákimi Baqytjan Saǵyntaevqa silteme jasap.

«Qalada jańa jyldan bastap apparatty-baǵdarlamaly «Sergek» kesheniniń 400 postysy jumys jasaı bastady. Alǵashqy 22 kún ishinde 4,5 myńnan astam jol qozǵalysy erejesiniń buzylǵanyn tirkedi. Nátıjesinde osy kúnder ishinde jol kólik oqıǵasy 11,6%-ǵa tómendegen», - dep jazdy qala ákimi Instagram -daǵy paraqshasynda.

Jalpy, ótken jyldyń osy kezeńimen salystyrǵanda qalada qylmys 38%-ǵa qysqarǵan. Qoǵamdyq qaýipsizdikti qamtamasyz etý boıynsha jumystar odan ári jalǵasady, onyń ishinde joldar men qalalyqtar kóp jınalatyn jerlerde vıdeobaqylaý monıtorıngi júıesi keńinen qoldanylatyn bolady.

«Bıyl «Sergektiń» qosymsha 360-tan astam postysyn ornatýdy josparlaýdamyz. Ár jyl saıyn qoǵamdyq tártiptiń buzylýyn qadaǵalaıtyn avtomatty vıdeobaqylaý júıesiniń úlesi artatyn bolady», - dep jazdy qala ákimi.