Almatyda qosymsha bilim berý uıymdary basshylarynyń respýblıkalyq semınar-keńesi ótedi
ALMATY. Aqpannyń 16-sy. QazAqparat /Erlik Erjanuly/ - Almatyda aqpannyń 18-19 kúnderi «12 jyldyq bilim berýge kóshýge baılanysty balalarǵa qosymsha bilim berýdiń qazirgi zamanǵy júıesi jáne damý perspektıvalary» degen taqyrypta qosymsha bilim berý uıymdary basshylarynyń respýblıkalyq semınar-keńesi ótedi,
dep habarlaıdy QazAqparat.
Ony Respýblıkalyq qosymsha bilim berý oqý-ádistemelik ortalyǵy uıymdastyryp otyr. Bul sharaǵa Bilim jáne ǵylym mınıstrliginiń Mektepke deıingi jáne orta bilim departamentinen, Y.Altynsarın atyndaǵy ulttyq bilim akademııasynan, Respýblıkalyq bilim berý júıesiniń pedagog kadrlary biliktiligin arttyrý jáne qaıta daıarlaý ınstıtýtynyń ókilderi, joǵarǵy oqý oryndarynyń ǵalymdary qatyspaq. Jalpy qazirgi tańda respýblıkada 620 qosymsha bilim berý uıymy jumys jasaıdy. Onda 517 998 balalar men jasóspirimder qamtylǵan. Bul oqýshylardyń 21,5 paıyzyn quraıdy. Qosymsha bilim berý júıesi jeke tulǵany oqytý, tárbıeleý jáne damytýdyń tutastyǵyn qamtamasyz etetin bilim retinde qoǵam men memleket tarapynan qoldaýdy talap etedi.
