Almatyda kosmetıka saqtalǵan qoımaǵa qaraqshylyq shabýyl jasaldy
ALMATY. QazAqparat – Almatyda kosmetıka saqtalǵan qoımaǵa jasalǵan qaraqshylyq shabýyl vıdeoǵa túsip qalǵan, dep habarlaıdy QazAqparat tilshisi.
Qalalyq Polıtsııa departamentinen málim etkendeı, 4 adam Aqjar shaǵynaýdanyndaǵy qoımaǵa túngi 11:00-de kirgen.
«Urylar kúzetshini «kúzet kompanııasynan kelgen tekserýshilermiz» dep aldaǵan. Kúzetshi olarǵa esik ashqanda birden soqqy alǵan. Qaraqshylar aqsha saqtalǵan seıfke baryp, 8 mln teńge men dekoratıvti kosmetıkanyń birneshe qorabyn qoldy etken. Kúzetshi urylar ketisimen dabyl qaqty. Bul derek boıynsha QR QK 192-babynyń 4-bóligimen qylmystyq is qozǵaldy. Júrgizilgen sharalardyń arqasynda kúdiktiler ustaldy. Olardyń ishinde eń úlkeni 32 jastaǵy Almaty oblysynyń týmasy bolyp shyqty. Eshqaısysy buryn qylmystyq jaýapkershilikke tartylmaǵan», - dedi Naýryzbaı aýdandyq PB basshysy Dıdar Ahanov.
Qaraqshylar urlanǵan seıfti tyǵyp ketip, 2 kúnnen soń qaıtyp oralýdy sheshken. Keıin seıfti alý úshin qalaǵa kirip kele jatqanda kólikteri toqtatylǵan.
Anyqtalǵandaı, ustalǵandardyń biri osy fırmada ekspedıtor bolyp jumys istegen. Ol kompanııanyń tabysy jaıly bilgen. Sondyqtan, kúzetshini ońaı aldap ketken.
