Almatyda kóshi-qonǵa baqylaý kúsheıtildi
ALMATY. Sáýirdiń 15-i. QazAqparat / Ádilet Musahaev / - Almaty polıtsııalary Respýblıkalyq «Mıgrant» jedel aldyn alý sharasyna baılanysty saýda ortalyqtary men qurylys nysandarynda tekseris jumystaryn júrgizýde,
dep habarlaıdy QazAqparat ІІB baspasóz qyzmetine silteme jasap.
«Eki kúngi eńbek nátıjesinde 784 sheteldik anyqtalsa, onyń 84-i alys shetel azamattary. Ózbekstannan 437 azamat, Qyrǵyzstannan 127 jáne 136-sy TMD-nyń basqa memleketterinen kelgender. Osy kúnge deıin 220 sheteldikti elden shyǵardyq. Anyǵyraq aıtsam, eki arnaıy avtobýspen halyqaralyq shekaradaǵy Qordaı jáne Chernıaev aýyldaryna Qyrǵyzstannyń 127, Ózbekstannyń 93 azamatyn jetkizdik.
«Dál qazirgi ýaqytta ІІB-nyń qabyldaý-taratý bóliminde 159 zań buzýshy otyr», deıdi Almaty qalasy ІІB kóshi-qon polıtsııasy basqarmasynyń bastyǵy, podpolkovnık Marat Kezembaev.
Sondaı-aq ol sheteldik eńbek kúshin tartaqan óz elimizdiń azamattary da jaýapqa tartylatynyn jetkizdi.
«Kóshi-qon baqylaýyn kúsheıtý, kelýshilerdiń azaıýyna ákeletindigin tájirıbe kórsetýde. Qurylys mezgiliniń jaqyndaýyna oraı, zańsyz kelimsekter máselesi ózekti bolyp otyr. Sondyqtan bul másele Almaty qalasy ІІM men ІІB-niń erekshe baqylaýynda bolady. Bıyl osyndaı ondaǵan sharany uıymdastyrýdy josparlap otyrmyz», dep atap ótti podpolkovnık Kezembaev.
Tájikstan men Qyrǵyzstan azamattaryna arnaıy tirkeýden ótpese, Qazaqstan aýmaǵyna enýge ruqsat joq degen zań qabyldanǵan. Jumys kestesiniń 90 kúnimen qatar, olarǵa bul olqylyqtyń ornyn toltyrý úshin kúntizbelik taǵy da bes kún qosylyp berilgen.
