Almatyda kóshi-qon zańnamasyn buzǵan bir myńnan astam sheteldik jaýapqa tartyldy
ALMATY. QazAqparat – Almatyda kóshi-qon zańnamasyn buzǵan 1477 sheteldik azamat ákimshilik jaýapqa tartyldy, dep habarlaıdy QazAqparat tilshisi.
Almaty qalasy Polıtsııa departamenti kóshi-qon qyzmetiniń málimetteri boıynsha, shaharǵa bıylǵy jyldyń 11 aıynda 81952 sheteldik azamat kelgen, bul ótken jylmen salystyrǵanda 64,7% – ǵa az.
«Kóshi-qon zańnamasyn buzǵany úshin 15 310 quqyq buzýshy ákimshilik jaýapkershilikke tartyldy, onyń 1 477-i shetel azamaty. Jyl basynan beri basqa memleketterdiń 238 azamaty elden shyǵaryldy. Bıyl sheteldikter jasaǵan 274 qylmys tirkeldi, onyń ishinde qylmystardyń eń kóbin Ózbekstan Respýblıkasynyń azamattary jasaǵan. Jalpy qalada kóshi-qon boıynsha ahýal turaqty», – dedi Almaty qalalyq PD Kóshi-qon qyzmeti basqarmasynyń bastyǵy Ashat Býtýnchınov.
