Almatyda kóshi-qon zańnamasyn buzǵan 9 myńǵa jýyq sheteldik jaýapqa tartyldy

ALMATY. QazAqparat- 2022 jyly Almatyǵa 99 myń sheteldik kelgen, dep habarlaıdy QazAqparat tilshisi.

Almatynyń kóshi-qon polıtsııasynyń málimetinshe, byltyr qalada ýaqytsha júrgen sheteldikterdiń sany 99138 adamǵa jetti.

«2022 jyly kóshi-qon zańnamasyn buzǵany úshin 35938 adam jazalandy, onyń 8824-i shetel azamaty. Ákimshilik jolmen 695 sheteldik elden shyǵaryldy. 1828 basqa eldiń azamaty jeke basyn kýálandyratyn qujattary bolǵany úshin PD-nyń qabyldap-taratý bólimine ornalastyryldy», – deıdi Almaty qalalyq Polıtsııa departamentiniń kóshi-qon qyzmeti basqarmasynyń bastyǵy Ashat Býtýnchınov.

Sonymen qatar ol sheteldik jumys kúshin tartý erejelerin buzǵan 195 jumys berýshi ákimshilik jaýapqa tartylǵanyn aıtty.

«Byltyr qalada zańsyz kóshi-qonnyń 17 arnasy anyqtalyp, joly kesildi»,- dep atap ótti basqarma bastyǵy.