Almatyda kóshi-qon máselesine qatysty dóńgelek ústel otyrysy ótti
ALMATY. 21 aqpan. QazAqparat /Ádilet Musahaev/ - Almatyda QR Іshki ister mınıstrliginiń bastamasymen Elbasynyń bıylǵy halyqqa Joldaýy aıasynda dóńgelek ústel ótti.
Oǵan eldegi memlekettik qurylymdardyń múddeli barlyq áleýetti qurylymdary ókilderi, depýtattar jáne álemniń ár túkpirinen tarıhı mekenine oralǵan oralmandar qatysty.
«Kún tártibiniń negizgi máselesine óz Otanyna oralýǵa qyzyǵýshy qazaqtardyń kóshi-qon dárejesi qoıyldy. Tarıhta oryn alǵan jaıttar qazaqtardyń kóptegen elde shashyrap ketýine ákep soqty. Olarǵa Otanǵa qaıtyp kelý múmkindigin berý - eldiktiń abyroıly isi. Qazirgi tańǵa deıin Qazaqstanǵa 800 myńnan asa oralmandar kelgen. Tájirıbe kórsetip otyrǵandaı, olardyń basym kópshiligi turǵyn úı jáne jumysqa turý máselesinde problemalarǵa tap bolýda», - deıdi QR ІІM kóshi-qon komıtetiniń tóraǵasy, general-maıor Hıbratolla Dosqalıev.
Sonymen qatar ol, kóshi-qon týraly daıyndalyp jatqan jańa zańda óziniń tarıhı mekenine oralǵan etnıkalyq qazaqtar úshin bul problemany oraıymen sheshý máselesi qaralyp jatqandyǵyn aıtyp ótti. Onyń pikirinshe, bul oralmandar úshin barynsha yńǵaıly sharttardy jasaýǵa múmkindik beredi. Sondaı-aq jıyn barysynda ishki mıgratsııa máselesi de qozǵaldy. Kezdesýdiń qorytyndylary boıynsha májiliske qatysýshylar Qazaqstannyń memleketaralyq strategııasy turǵysynan ishki kóshi-qon máselesi sheshiminiń naqtyly baǵdarlamasyn qurý kerek degen pikirlerge keldi.
«Bizdiń mekeme quzyryna barlyq mańyzdy mıgratsııalyq fýnktsııalar berilip otyr. 2010 jylǵy Prezıdenttiń jarlyǵymen Eńbek jáne halyqty áleýmettik qorǵaý mınıstrligi Kóshi-qon komıtetiniń ókilettiligi QR ІІM-ine ótkeni belgili. Qazirgi kezde biz memlekettik qurylymdarmen, qoǵamdyq birlestikterdiń ókilderimen jáne depýtattarmen kóshi-qon komıtetiniń budan bylaıǵy qyzmetine qatysty máselelerdi qarastyrýdamyz. Bul dóńgelek ústeldiń tıimdiligi keleshekte bizdiń birlese atqarǵan oń nátıjelerimizdi kórsetetinine senemin", - deıdi H. Dosqalıev.
