Almatyda kósheni sý basty
ALMATY. QazAqparat - Almatyda Ermensaı eldi mekeniniń ortalyǵyn sý basty, dep habarlaıdy QazAqparat tilshisi.
«Qazseldenqorǵaý» mekemesiniń habarlaýynsha, Ermensaı aýyly Vınogradov kóshesiniń boıyndaǵy aǵyn sýdyń qozǵalýyna múmkindik beretin aryq bitelip qalǵan.
«Dál aryqtyń ústinde jattyǵý zaly ashylǵan. Ǵımarat ıeleri aryqtyń ornyna dıametri 500 mm bolatyn sý qubyryn ornatqan. Atalǵan qubyrǵa laı jınalyp, sýdyń ótýine kedergi keltirgen. Sonyń saldarynan sý arnasynan tasyp, kósheni alyp ketti», - dedi «Qazseldenqorǵaý» MK mamandary.
Oryn alǵan oqıǵaǵa baılanysty Bostandyq aýdany ákimdigine tótenshe jaǵdaıdyń saldaryn joıý boıynsha birqatar tapsyrmalar berildi.
