Almatyda kóshelerge Nurly jol, Er Tóstik, Gerold Belger ataýlary beriledi
ALMATY. QazAqparat - Almaty qalasyna qosylǵan aýmaqtardaǵy kóshelerge jańa ataýlar beriledi. Bul týraly Almaty qalasy ákimdiginiń onomastıkalyq komıssııasy bekitken qujatta aıtylǵan, dep habarlaıdy QazAqparat tilshisi.
Birinshiden ataýy joq jáne maǵynasy eskirgen kóshelerge at berilmek. Mysaly, Alataý aýdanyndaǵy «Aqbulaq» shaǵyn aýdanyndaǵy AZTM kóshesi Han Shatyr dep atalsa, Almaly aýdanyndaǵy 6-jeli kóshesi Nurly jol, Túrkisib aýdanyndaǵy aýdanyndaǵy Parkovaıa kóshesi Nurly álem bolyp ózgeredi.
Sondaı-aq, megapolıste endi Nursaıa, Altyn adam, Áýlıe ata, Er Tóstik, Arystan bab, Aqmonshaq, Myń jylqy ataýlary men Gúlbarshyn, Gaýhar, Aıagóz, Lashyn, Talshyn esimderi berilmek.
Almaty qalasy aýmaǵyna qosylǵan terrıtorııalardaǵy birqatar kóshelerge Keńes odaǵynyń batyry Saǵadat Nurmaǵambetov jáne Talǵat Bıgeldınov, sýretshi Sergeı Kalmykov pen jazýshy Gerold Belger men Shyńǵys Aıtmatovtyń esimderi beriledi.
Sonymen qatar, Abaı, Seıfýllın, Maqataev, Áýezov syndy qaıtalanatyn kóshelerdi de aýystyrady.
Kóshelerdiń tolyq tizimin myna silteme boıynsha kórýge bolady.
