Almatyda kóshege Shoǵan abyzdyń aty berildi
ALMATY. QazAqparat - Alataý aýdanyna qarasty Mádenıet yqshamaýdanynda Shoǵan abyzdyń atyna kóshe berildi, dep habarlaıdy QazAqparat tilshisi.
Saltanatty sharaǵa abyzdyń urpaqtary, Alataý aýdanynyń ákimi Azamat Qaldybekov, qala turǵyndary qatysty.
«Shoǵan abyz Esim han handyq qurǵan kezde ómir súrgen adam. «Esim hannyń Eski joly» degen qujatty jasaǵan ýaqytta qasyndaǵy keńesshileriniń biri bolǵan adam», – dedi Shoǵan abyzdyń urpaǵy, QR densaýlyq salasynyń úzdigi Turarbek Tólendıev.
Igi shara «Jańa Almaty» baǵdarlamasynyń aıasynda júzege asyp otyr.
«Alataý aýdany – jas aýdan. Kóptegen kóshelerdiń ataýlary joq. ıAǵnı, kóbi 1, 2, 3-lınııa, «jańa kóshe» dep atalyp ketken. Búgingi tańda sol kóshelerdiń bárine ataý berilip jatyr. Osy Rahat, Mádenıet yqshamaýdandarynyń ózinde 40 kóshe jańa ataýǵa ıe boldy. Endi jyldyń aıaǵyna deıin osy kóshege jańa formattaǵy anshlagtardy iletin bolamyz», – dedi Alataý aýdanynyń ákimi Azamat Qaldybekov.
Aıta keteıik, Shoǵan abyz Alban rýynan shyqqan. 16-ǵasyrdyń sońy men 17-ǵasyrdyń alǵashqy jartysynda ómir súrgen Shoǵan Súıerqululy sáýegeı abyzdyǵymen, qara qyldy qaq jarǵan ádildigimen este qalǵan.
Kesenesi búginde Ózbekstan astanasy — Tashkent qalasynda ornalasqan.
