Almatyda kósheden bes jasar bala tabyldy
ALMATY. QazAqparat – Almaty kósheleriniń birinde adasyp qalǵan kishkentaı balany ýchaskelik ınspektor taýyp aldy, dep habarlaıdy QazAqparat tilshisi.
Bes jasar ul bala Shalıapın men Beregovogo kósheleriniń qıylysynan tabyldy.
«Balanyń ústi basy sý. Ábden tonyp qalǵan. Dirildep turdy. Onyń aıtýynsha, ol basqa balalarmen birge óz úıiniń aýlasynda oınaǵan, sodan keıin olar teatrdyń aldyndaǵy sýburqaqqa barǵan. Oınap júrip bala sýǵa qulap ketken, al dostary qashyp ketipti. Bala óz betinshe úıin tabýǵa tyrysyp, biraq taba almaǵan. Keshke deıin balanyń ata-anasyn izdedik, alaıda ony izdegen adam bolmady. Men eń aldymen balanyń kıimin aýystyryp, ystyq sháı berdim. Qarańǵy túskenen keıin, ony bir túnge kámeletke tolmaǵandarǵa arnalǵan beıimdelý ortalyǵyna jiberý týraly sheshim qabyldandy», - dedi Áýezov aýdandyq ıývenaldy polıtsııa bóliminiń ınspektory Dılıara Anarqulova.
Tańerteń polıtsııa basqarmasyna balanyń anasy joǵalǵan uly týraly aryzben keldi.
«Polıtsııa qyzmetkerleri ulynyń aman-esen ekenin aıtqanda, ol qatty qýanyp ketti»,- deıdi Dılıara Anarqulova.
