Almatyda kóshede tóbelesken júrgizýshilerdiń birin kólik qaǵyp ketti
ALMATY. QazAqparat - Almatyda samokat aıdaǵan júrginshi men №99 avtobýs júrgizýshisi kóshede tóbelesip qaldy, dep habarlaıdy QazAqparat tilshisi.
Tóbelestiń vıdeosy áleýmettik jelide tarap jatyr.
Beınekadrde júrgizýshi samokat mingen júrginshini ustap alyp, jibermeýge tyrysyp jatyr. Al samokat ıesi sytylyp qashyp ketpekshi. Júrgizýshiniń qolynan sytylyp bara jatqanda samokat ıesin kólik qaǵyp ketti.
Bolǵan jaıtqa qatysty «City-Bus» basshysy túsinik berdi.
«City-Bus» JShS basshysy Egor Jıglovtyń aıtýynsha, avtobýs júrgizýshisi óz jolaǵymen kele jatqan.
«Ol jol erejesin buzǵan joq. Aıaldamaǵa toqtaǵanda, samokat mingen jigit salonǵa júgirip kirip, júrgizýshiniń betinen bir urǵan. Júrgizýshi jańaǵy jigittiń artynan birge shyqqan. Samokat mingen adam oqıǵa ornynan qashyp ketpek bolǵan. Abyroı bolǵanda polıtsııa shaqyryldy. Qazir oqıǵanyń mán-jaıy tekserilip jatyr. Qyzmetkerimizge qol kótergeni úshin polıtsııaǵa aryz jazdyq», - dedi Egor Jıglov.
Onyń aıtýynsha, soqqydan avtobýs júrgizýshisiniń tisi túsip qalǵan.
