Almatyda kóshede sebepsiz júrgen 604 adamǵa aıyppul salyndy
ALMATY. QazAqparat – Almaty ákimshilik soty TJ rejımin buzýǵa qatysty bir táýlikte 93 isti qarady, dep habarlaıdy QazAqparat tilshisi.
QR Ákimshilik quqyq buzýshylyq týraly kodeksiniń 476-babyna sáıkes, mamandandyrylǵan aýdanaralyq ákimshilik soty 93 ákimshilik materıal qarady, nátıjesinde 10 adam ákimshilik qamaýǵa alyndy, 61 adamǵa aıyppul salyndy jáne 22 turǵynǵa eskertý jasaldy.
«28 naýryzdan bastap 604 adam kóshede sebepsiz júrgeni úshin ákimshilik jaýapkershilikke tartyldy, onyń 6-aýy qamaýǵa alyndy, 52-sine aıyppul salyndy, 17 adamǵa eskertý jasaldy. Baqylaý-ótkizý beketterin aınalyp ótip, qalaǵa kirý tártibin buzǵany úshin 18 adam jaýapqa tartyldy», – deıdi Almaty qalalyq PD basshysynyń birinshi orynbasary Nurlan Almasbekov.
