Almatyda kóshede sebepsiz júrgen 108 adam qamaýǵa alyndy
ALMATY. QazAqparat – Almaty ákimshilik soty TJ rejımin buzýǵa qatysty 572 isti qarady, dep habarlaıdy QazAqparat tilshisi.
Atap aıtqanda, karantın aımaǵyn kesip ótkeni úshin 208 quqyqbuzýshy ákimshilik jazaǵa tartylǵan.
«208 adam 5-10 táýlik qamaýǵa alyndy. 93 quqyqbuzýshy 10 AEK mólsherinde ákimshilik jaýapkershilikke tartyldy. 3 quqyqbuzýshy eskertý aldy», - dedi Almaty qalalyq sotynyń baspasóz qyzmetinen.
Al karantın merziminde ákimshilik jaýapkershilikke 57 quqyqbuzýshy tartyldy. Olardyń 21-i 5-10 táýlikke qamaýǵa alynsa, 34-ine aıyppul salyndy. 1 adam eskertý aldy.
Kóshede sebepsiz júrgen 108 adam qamaýǵa alynsa, 174 adamǵa aıyppul salynǵan, 20 adam eskertý aldy.
Polıtsııa qyzmetkeriniń zańdy talabyn oryndamaǵany úshin 4 adam 5-30 táýlikke qamaýǵa alynsa, 1 adamǵa 10 AEK mólsherinde aıyppul salyndy.
Ákimshilik jazaǵa «Voshod», «Emıl» restoran, «Tsentr shashlyka», «Barbeque» dámhanalary, «Loto Club» oıyn zaly, «Mechta Market» JShS, «Genesys», «Ultimate» oıyn klýbtary, Sulpak JShS, «Arena-s» JShS, «Zýgo» JShS, «Makon», «Fıssman» dúkeni, «Lıýbımaıa posýda» JShS, «Beauty group» sulýlyq salony, Shotanov JK, «Vzletka» túngi klýby, «Gevon» JShS, Loto Klýb Makon, «Tehnodom», «Kifs» JK, «Bıýro perevodov BM63» JK, «Daýtova» JK, «Malıka» ashanasy, «Sheber» TQKS, «MAES» TQKS, «Vaıldberrız» JShS, Tlebaldıeva B.A. JShS Shop, «Samat» JK, «Praıd» braıd, Baıbýlsınov JK, Excelshop sport dúkeni, «Bal-Meır» qonaq úıi, «Stoloffka» ashanasy, «Salahuddin2 dúkeni, «Alatau Salyk» JK, «OIL CENTER» TQKS tartyldy.
