Almatyda kóshede ketip bara jatqan adamdy uryp-soǵyp, tonap ketken 21 jastaǵy jigit ustaldy

ALMATY. QazAqparat- Almatyda kóshede ketip bara jatqan adamdy uryp-soǵyp, tonap ketken 21 jastaǵy jigit qamaýǵa alyndy, dep habarlaıdy QazAqparat tilshisi.

Almaty qalalyq polıtsııa departamenti taratqan aqparatqa sensek, kóshede kúndizgi ýaqytta adamdy tonaǵan 21 jastaǵy adam ustaldy.

«Tergeý barysynda kúdikti – 2001 jyly týǵan R. esimdi azamat, óziniń sybaılasymen birge, kóshede ótip bara jatqan beıtanys adamdy uryp-soǵyp, uıaly telefonyn tartyp alǵany anyqtaldy. Ol qamaýǵa alyndy jáne qylmys jasaǵanyn moıyndady. Qazirgi ýaqytta qylmysqa qatysy bar ekinshi adamnyń kim ekeni jáne olardyń Almaty qalasy boıynsha osyǵan uqsas, buryn jasalǵan qylmystarǵa qatysy bar-joǵy anyqtalyp jatyr», - dedi, Áýezov aýdandyq polıtsııa basqarmasynyń bastyǵy Ulan Ábilqaıyr.

Buǵan deıin Almatynyń 20 jastaǵy turǵynynan alty býma esirtki tárkilengeni týraly jazǵan bolatynbyz.