Almatyda kóshede káýap pisirgen 22 jastaǵy jigit qamaýǵa alyndy
ALMATY. QazAqparat – Qalalyq polıtsııa jol boıynda káýip pisirip jatqan adamdardy vıdeoǵa túsirip, taratqan 22 jastaǵy almatylyqty qamaýǵa aldy, dep habarlaıdy QazAqparat tilshisi.
Almaty qalalyq PD habarlaýynsha, ǵalamtor keńistigin baqylaý kezinde shyǵys aınalma jolda túsirilgen vıdeojazba paıda boldy, onda jol boıynda er adam káýap pisirp jatqanyn kórsetken.
«Bul vıdeo qatysty eshkim «102» -ge qońyraý shalǵan joq. Kezekshi pýltke eshqandaı habarlama túspedi. Tekserý jumystary barysynda, beınetaspanyń qoıylym bolǵandyǵy, quqyqbuzýshylyqty kamerada túsirgen operator, otty jaqqan adamdardyń dosy ekenin jáne túsirilim haıp úshin jasalǵandyǵy belgili boldy. Uıymdastyrýshy - 1997 jyly týǵan B.esimdi azamat ekeni anyqtaldy. Ol jasaǵan áreketin birden moıyndady. Ol quqyqbuzýshylyq úshin ákimshilik jaýapqa tartyldy. Óndiris materıaldary sotqa joldanyp, onyń sheshimimen B.esimdi azamat, 15 táýlik merzimge ákimshilik qamaýǵa alyndy. Karantınge baılanysty sot otyrysy onlaın rejıminde ótti», - dedi, Almaty qalalyq polıtsııa DP bastyǵynyń birinshi orynbasary Nurlan Almasbekov.
Óz kezeginde quqyqbuzýshy kópshilik aldynda keshirim surady.
«Men búkil Qazaqstanǵa jáne Almaty turǵyndaryna ózimniń jasaǵan isterime ókingenimdi habarlaımyn. Bolashaq úshin meniń jigitterge aıtarym, osyndaı qıyn ýaqytta ázildesýdiń qajeti joq. Men, Qazaqstannyń aldynda shyn júrekten, keshirim suraımyn «, - dedi B.esimdi azamat.
