Almatyda kóshede er adamdy óltirip ketti

ALMATY. QazAqparat - Almatyda kóshede er adamdy óltirip ketti, dep habarlaıdy QazAqparat tilshisi.

Oqıǵa Almatynyń Túrksib aýdanynda 28 maýsym kúni bolǵan.

Almaty qalalyq Polıtsııa departamentinen málim etkendeı, «Býran-291» patrýldik ekıpajy kúdiktini «izin sýytpaı» ustady.

«Ustalǵan kúdiktiniń aıtýynsha, ol tek pyshaqpen qorǵanǵan, al qarýdyń qarsylasynyń denesine qalaı tıgenin bilmeıdi. Sonymen qatar, onyń mas bolǵany anyqtaldy», - dep habarlady polıtsııadan.

Kúdikti Almaty oblysy, Qarasaı aýdanynyń 45 jastaǵy turǵyny.

Kúdikti men kýágerler polıtsııa bólimine jetkizildi. Arnaıy top oqıǵa bolǵan jerdi qaraý kezinde qylmys qarýyn taýyp, saraptamaǵa jiberdi.