Almatyda kóshe jaryqtarynyń úshten biri dıodty shamdarǵa aýystyrylady
ALMATY. QazAqparat - Qazirgi kezde Almatyda 80 myńǵa jýyq jaryq kózi ornatylǵan. «Qaýipsiz qala» baǵyty boıynsha jyl aıaǵyna deıin 24 myńnan astam jaryq kózderi nemese 31,5%-y energııa jınaqtaýshy jáne dıodty shamdarǵa aýystyrylady, dep habarlaıdy QazAqparat qala kimdigine silteme jasap.
Qalanyń Energetıka jáne kommýnaldy sharýashylyq basqarmasynyń aqparaty boıynsha, qazirgi kezde M.Áýezov aýdanynda 49,5 km kóshe jaryǵynyń qurylys bastaldy. Jyl aıaǵyna deıin Alataý aýdanynda syrtqy jaryqtyń 24 km jelisin tartý josparlanǵan.
Qazirdiń ózinde Baǵanashyl, Alataý, Ermensaı jáne Nurlytaý eldi mekenderinde 35,3 km syrtqy jaryq kózderi ornatylǵan. Túrksib aýdanyndaǵy Buqtyrma, Maılın kósheleri men Qulja traktinde 9 km syrtqy jaryq kózderi jumys isteýde.
Bulardan ózge, keler jyldan bastap taǵy 266 km jaryq kózderin nemese 8 896 kóshe shamdaryn (11,5%) modernızatsııalaýdyń jobalyq- smetalyq qujattary jasalǵan.
Memlekettik - jekeshelikáriptestik jobasy aıasynda qalanyń Energetıka jáne kommýnaldy sharýashylyq basqarmasy 2019 jyldan bastap taǵy 1 375 km jaryq jelisin nemese 45 829 kóshe shamdary men 42 052 jaryq dińgekterin jańartýdy josparlaǵan.
Qala basqarmasyndaǵylar dıodty jaryq shamdarynyń elektroenergııasyn paıdalanýdy 30 paıyzǵa qysqartyp, qala bıýdjetiniń shyǵynyn azaıtatynyn, kóshe jaryǵynyń sapasyn jaqsartatynyn málimdedi. Onyń ústine olardyń paıdalaný merzimi de uzaq.
