Almatyda kóshe tazalaýshylar bir kúnge sýperqaharmanǵa aınaldy

ALMATY. QazAqparat – Almaty qalasynyń kommýnaldyq qyzmetteri «Batyrlar bizdiń aramyzda» aktsııasyn ótkizdi, dep habarlaıdy QazAqparat tilshisi.

Almaty qalasy ákimdiginen habarlaǵandaı, kommýnaldyq kásiporyn qyzmetkerleri Gollıvýd sýper qaharmandarynyń kıimin kıip, qar kúreýge shyqqan.

«Bul ıdeıany qyzmetkerler usyndy. Olar sol arqyly sýper qaharmandar tek ekranda emes, aramyzda da bolatynyn kórsetkileri keldi. Olar - kúndelikti kóshe tazalaýshy qarapaıym eńbek adamdary. Aıta keteıik, olardyń eńbegi baǵalanbaıdy», - deıdi qalalyq kommýnaldyq ınfraqurylymdy damytý basqarmasyndaǵylar.

Aıta keteıik, sýperqaharman kıimindegi qar kúreýshilerdi Almaly, Bostandyq, Jetisý aýdandarynan kórýge boldy.

Foto: facebook.com/almaty.gov.kz