Almatyda kóshe shamdary LED tehnologııasymen zamanaýı jaryqtandyrý júıesine aýystyrylady

ALMATY. QazAqparat - Almaty kóshelerinde eskirgen kóshe shamdaryn LED tehnologııasymen zamanaýı jaryqtandyrý júıesine aýystyrý jumystary júrgizilýde.

Almaty ákimdigi aýystyrý jumystaryna baılanysty táýliktiń qarańǵy kezinde kóshe shamdarynyń sóndirilýi faktileri baıqalyp otyrǵanyn eskertedi. Qazirgi kezde kóshedegi jaryqty dıspetcherlik basqarýdyń avtomattandyrylǵan júıesin engizý úshin basqarý shkaftary ornatylýda.

«Barlyǵy 1027 shkaf ornatylady, olardyń 119-y - Alataý aýdanynda, 143-i - Almaly, 163-i - Áýezov, 110-y - Bostandyq, 119-y - Jetisý, 212-si - Medeý, 140-y - Túrkisib, 21-i - Naýryzbaı aýdanynda bolmaq. Kósheni jaryqtandyrýdy basqarýdyń avtomatty júıesin iske qosý jumystary aǵymdaǵy jylǵy mamyr aıynyń sońyna deıin aıaqtalady. Almaty túrǵyndarynyń túsinistikpen qaraýyn suraımyz», - dep habarlady ákimniń baspasóz qyzmeti.