Almatyda «Qosh bol, jaz mezgili! Armysyń altyn kúz...» atty kórme ashyldy
ALMATY. QazAqparat - Almatyda kórkemsýret jáne grafıka óneri sheberleriniń «Qosh bol, jaz mezgili ! Armysyń altyn kúz..,» atty toptyq kórmesi ashyldy.
Uıymdastyrýshy - «Vernısaj» úkimettik emes mádenıet jáne aǵartý mekemesi.
Ónertanýshylardyń aıtýynsha, bul kórme osymen altynshy ret daryndy avtorlardyń basyn qosyp otyr. Munda sondaı-aq, kásipqoılarmen qatar, sýret ónerimen endi-endi aınalysyp kele jatqan jas sheberler de óz týyndylaryn qoıǵan. Bıylǵy sharaǵa tipti 6 jastaǵy balalar da qatysyp jatyr.
Shúıgin shóp, ár túrli gúlder men kóbelekter - jazdyń belgisi bolsa, ısi ańqyǵan qyp-qyzyl almalar men órikter, shıeler men alshalar, alqorylar - kúzdiń belgisi. Jyldyń árbir mezgiliniń ózine tán ereksheligi, kóz tartar kórkemdigi bar.
Aıta ketelik, kórmege, Kozlova Svetlana, Saryeva Sabına, Petrakova Anna, Babıch Evgenııa, Vorontsova Aleksandra, Serkına Dıana, Pavletenko Natalıa, Nıkonov Anatolıı, Býrmıstrov ıÝrıı, Krýpskıı Borıs, Ýsova Anna, Samarkına Vıktorııa, Saryev Sanjar, Ignateva Alısa, Shneıderman ıÝrıı, Gallıam Fatıma, Kýrmeneva Sofıa, Salyqbaeva Aqerke, Grıýnberg Valerıı, Abdýllaev ıAsar ı Baraýskaıte Natalııa-Ramınta syndy sýretshiler qatysyp otyr.
Olardyń aıtýynsha, jazdyń kúzge ulasar kezeńi - sýretshiler úshin keremet ýaqyt. Dál osy shaqta tabıǵat erekshe qulpyra túsedi.
Atalmysh kórme 26-shy tamyzǵa deıin jalǵasady. Kirý -tegin.
