Almatyda qosalqy elektr stantsııanyń qurylysy aıaqtaldy
ALMATY. QazAqparat - Almatyda 200 myńnan astam turǵyndy úzdiksiz elektrmen qamtamasyz etetin «Almagúl» jańa qosalqy stantsııasynyń qurylysy aıaqtaldy, dep habarlaıdy QazAqparat tilshisi.
Almaty ákimdiginiń málimetinshe, Bostandyq aýdanynda Gagarın men Qojabekov kósheleriniń qıylysynda ornalasqan «Almagúl» qosalqy stantsııasynyń qurylysy boıynsha jumystar 100 paıyz aıaqtaldy. Sondaı-aq, osy qosalqy stantsııaǵa 110 kV elektrmen jabdyqtaýdyń 4,8 km kabeldik jelisi tartyldy.
«Bul qosalqy stantsııa Almatynyń ońtústik bóligindegi tutynýshylardyń júktemesin azaıtady. Oǵan «Almagúl» shaǵyn aýdany ál-Farabı-Jarokov-Ótepov-Rozybaqıev kósheleriniń qıylysynda salynyp jatqan jáne jańa turǵyn úı keshenderi qosylatyn bolady. Sektsııalarda kabelderdi qosý jáne tutynýshy júktemelerdi aýdarý jónindegi is-sharalar «AJK» AQ-men júrgiziledi»,- dep habarlady ákimdiktiń baspasóz qyzmeti.
Aıta keterligi, qosalqy stantsııaǵa qajettilik Bostandyq aýdanynda jappaı, retsiz salynǵan qurylystarǵa baılanysty týyndady.
Bul máseleni Almaty ákimimen kezdesý barysynda Bostandyq aýdanynyń turǵyndary kótergen bolatyn.
