Almatyda koronovırýs juqtyrǵan júkti áıel bosandy: Náreste vırýstan aman
ALMATY. QazAqparat - Almatyda Covid-19 juqtyrǵan júkti áıel deni saý balany dúnıege ákeldi, dep habarlaıdy QazAqparat tilshisi.
Júktiliktiń 39-aptasyndaǵy áıel naýqaspen baılanysta bolǵan adam retinde Ortalyq klınıkalyq qalalyq aýrýhanaǵa 13 sáýirde jetkizilgen.
Taldaý nátıjesinde onyń koronavırýs juqtyrǵany rastaldy. 15 sáýirde dárigerler kesar tirligimen áıeldi bosandyrǵan.
Dúnıege salmaǵy 3,5 keli ul bala keldi. Bul áıeldiń ekinshi balasy eken.
«Baladan shuǵyl túrde analız alyndy. Nátıjesinde vırýs juqtyrmaǵany anyqtaldy. Qazir náreste balalar bóliminde jatyr», - dedi qalalyq Qoǵamdyq densaýlyq saqtaý basqarmasynyń basshysy Tileýhan Ábildaev.
Balanyń anasynyń jaǵdaıy jaqsy. Jaqynda ınfektsııalyq aýrýhanaǵa aýystyrylady. Dárigerler anasy jazylǵannan keıin ǵana balasyn bermek.
