Almatyda koronavırýstyń jańa tolqyny bolýy múmkin be – Bekshınniń jaýaby

ALMATY. QazAqparat – Almatynyń bas sanıtar dárigeri Jandarbek Bekshın qalada koronavırýstyń kezekti tolqyny bolý yqtımaldyǵyn joqqa shyǵarǵan joq, dep habarlaıdy QazAqparat tilshisi.

«Almatyda «omıkron» nusqasy COVID-19 epıdemııasynyń kezekti tolqyny ekeni sózsiz. 2022 jyldyń qańtar aıynyń ortasynda «delta» nusqasynyń ornyn birtindep «omıkron» basady. Besinshi tolqynnyń shyńy aldaǵy jyldyń naýryz aıynyń ortasynda bolady»,- deıdi Jandarbek Bekshın.

Jandarbek Bekshın qalada shetelden kelgenderge qatysty aldyn alý sharalary kúsheıtilgenin tilge tıek etti.

Onyń málimetinshe, 3-20 jeltoqsan aralyǵynda Almatyǵa 50 myńǵa jýyq jolaýshy kelgen, onyń ishinde PTR anyqtamalary bar 29,7 myń, vaktsınatsııa pasporty bar – 20 myń, onyń ishinde «omıkron» shtamy tirkelgen elderden – 2300 jolaýshy kelgen.

«Kelgen barlyq azamattar bir aptalyq oqshaýlanýǵa jáne medıtsınalyq baqylaýǵa jiberildi. Olardyń ishinde KVI-men aýyratyn 5 naýqas anyqtaldy, olar ınfektsııalyq statsıonarǵa oqshaýlandy. Aıtpaqshy, jolaýshylardyń 90%-y Germanııa, Egıpet jáne Ulybrıtanııadan keledi, onda jańa shtamm aınalymda»,- dedi Almatynyń bas sanıtar dárigeri.