Almatyda koronavırýstyń jańa shtamy bar-joǵy tekseriledi
ALMATY. QazAqparat - Koronavırýs juqtyrǵan almatylyq naýqastardyń synamasyn Almaty qalasy sanıtarlyq-epıdemıologııalyq baqylaý departamenti mamandary tekseredi. Bul týraly qalanyń bas memlekettik sanıtar dárigeri Jandarbek Bekshın málim etti, dep habarlaıdy QazAqparat tilshisi.
Jandarbek Bekshın buǵan deıin zertteý júrgizilgenin, onyń barysynda zertteý úshin alynǵan synamalardyń 78 paıyzynan «brıtandyq» shtamm anyqtalǵanyn aıtty. Sondaı-aq, «brazılııalyq» jáne «Ońtústik Afrıka» koronavırýs shtamdary da bar.
«Biz kelesi aptada 1000 synamany zertteýdi josparlap otyrmyz, mýtatsııany anyqtaımyz. Mýtatsııalanǵan shtamm ishinen «brıtanııalyq», «danııalyq», «brazılııalyq» jáne «Ońtústik Afrıka» shtamdaryn naqty anyqtaýdy josparlap otyrmyz. Bul qozdyrǵyshtardyń ereksheligi juqpalyǵy jáne qysqa ınkýbatsııalyq kezeńinde. Mýtatsııalar jas topqa baǵyttalǵan. Naýqastardyń sany naýryzda 90 paıyzǵa, al qańtarda naýqastardyń jalpy sanynyń 73 paıyzyna jetti», - dedi Jandarbek Bekshın.
Buǵan deıin, Almatyda koronavırýs juqtyrǵandardyń 36%-y — jastar ekenin habaraǵan bolatynbyz.
