Almatyda koronavırýstyń táýliktik ósimi tómendeýi múmkin – Jandarbek Bekshın
ALMATY. QazAqparat – Almatyda ótken onlaın brıfıng barysynda qalanyń bas sanıtar dárigeri Jandarbek Bekshın koronavırýs ınfektsııasynyń táýliktik ósimi tómendep kele jatqanyn aıtty, dep habarlaıdy QazAqparat tilshisi.
«20 sáýirde táýliktik ósim - 15,6% bolsa, senbi kúni - 2,2% bolǵan. Sońǵy 8 kúnde táýliktegi ósim 6,6 % bolyp tur. Jaqyn arada jaǵdaıdy turaqtandyrýǵa múmkindik týady. Kúndelikti ósimdi barynsha tómendetýge tyrysamyz», - dedi Jandarbek Bekshın.
Onyń aıtýynsha, qazir qalada 41 myń adam PTR testileýden ótken. 21 myń adam ekspress testileýden ótti. Aýyrǵandardyń 90%-y naýqastarmen baılanysta bolǵan.
Munyń aldynda qalanyń bas sanıtar dárigeri karantın kezinde aýlada balalardy oınatý erejesin tanystyrǵan bolatyn.
