Almatyda koronavırýstyń taraý kórsetkishi 0,3% jetti
ALMATY. QazAqparat - Almatyda koronavırýs ınfektsııasynyń kúndelikti ósýi 0,3%-ge jetti, dep habarlaıdy QazAqparat tilshisi.
Qalalyq ákimdiktiń habarlaýynsha, osy ýaqytqa deıin Almaty qalasynda koronavırýstyq ınfektsııanyń 20 523 jaǵdaıy tirkelgen. Onyń 12 843-i sımptomdy jáne 7680-i sımptomsyz.
«Bıyl 18 qańtarda KVI – diń 79 jaǵdaıy tirkeldi, onyń ishinde 59 jaǵdaı sımptomdy, 20 jaǵdaı sımptomsyz. Almatyda koronavırýs ınfektsııasynan aıyqqandar sany 18 484-ke jetti. Jalpy, ınfektsııanyń kúndelikti ósýi 0,3% quraıdy. Vırýstyń reprodýktıvtik kórsetkishi Almaty qalasy boıynsha 0,991 (respýblıka boıynsha-1,1)», - dedi ákimdikten.
Almaty ákimdigi Almaty turǵyndary men qonaqtaryn epıdemııaǵa qarsy talaptardy: áleýmettik qashyqtyqty, betperde rejımin saqtaýdy kúsheıtýge, sondaı-aq múmkindiginshe jabyq mekemelerge barýdan jáne uzaq ýaqyt bolýdan bas tartýǵa shaqyrdy.
«COVID-19 naýqastarymen jáne jumys orny boıynsha baılanysta bolǵan adamdar úıde qalyp, tegin negizde tekserý úshin telefon arqyly emhanaǵa habarlasýy kerek. JRVI belgileri paıda bolǵan kezde dárigerdi úıge shaqyryp, zeınetkerlerge múmkindiginshe shuǵyl qajettilik týyndamasa úıden shyqpaý qajet», - dedi ákimdikten.
