Almatyda koronavırýstyń taralý deńgeıi 7 ese tómendedi
ALMATY. QazAqparat – Almatyda onlaın-brıfıng barysynda qalalyq Qoǵamdyq densaýlyq saqtaý basqarmasynyń basshysy Kamaljan Nadyrov qaladaǵy epıdemıologııalyq ahýal týraly baıandady, dep habarlaıdy QazAqparat tilshisi.
Onyń aıtýynsha, pandemııa bastalǵaly beri naýryz aıynan bastap Almaty qalasynda COVID-19-dyń 13 742 jaǵdaıy tirkeldi.
«Sońǵy 15 kúnde aýrý deńgeıi 7 ese tómendedi. Eger shilde aıynyń sońynda táýligine 271 jaǵdaı tirkelgen bolsa, búgin 40 jaǵdaı anyqtaldy. Koronavırýstan qaıtys bolǵan adamdar sany – 195. Barlyǵy 9 306 naýqas saýyǵyp shyqty. Bul, indetti juqtyrǵandardyń 68% jazyldy degen sóz», - dedi Kamaljan Nadyrov.
Basqarma basshysy búgin statsıonarlardyń júktemesi 19% aspaıtynyn aıtty.
«Qazir táýligine 60-tan astam naýqas aýrýhanaǵa jatqyzylady. Salystyrmaly túrde bir aı buryn ǵana statsıonarlarǵa 417 naýqas túsip otyrǵan. Jalpy, Almatyda 5781 oryn daıarlanǵan», - dedi K.Nadyrov.
