Almatyda koronavırýstyń stels-omıkron shtamy tirkeldi
«Maýsymnyń 23 kúni referens-zerthanaǵa PTsR nátıjesi oń bolǵan 74 synama jetkizildi, sonyń nátıjesi boıynsha 58 (78,4%) synama stels-mýtatsııanyń, 16 synama (22%) omıkron-mýtatsııanyń yqtımalyn kórsetti (tolyq-genomdyq sekvenırlik zertteý jalǵasyp, rastaý kútilýde). Bul nátıjeler búgingi tańda oryn alyp jatqan COVID-19 oqıǵalarynyń órshýiniń sebepkeri vırýstyń stels-omıkron túri ekenin anyqtady»,- dep habarlady departamenttiń baspasóz qyzmetinen.
Búgingi tańǵa qalyptasqan qarqynmen COVID-19 aýrýy jalǵasa berse, Almaty qalasy DSM koronavırýstyń epıdemıologııalyq jaǵdaıyn baǵalaý matrıtsasynyń sary aımaǵyna (belgili shekteýlerdi qoldanýǵa májbúrleıtin) kóp uzamaı, 100 myń turǵyndyq kórsetkish 25,0–ge jetkende, ótýi ábden múmkin. Osy jaǵdaıdyń aldyn alý, boldyrmaý maqsatynda qala turǵyndaryn vaktsınatsııalaý men revaktsınatsııalaý qajet, ásirese múldem vaktsına almaǵandardy. Vedomstvodan atap ótkendeı, epıdemıologııalyq jaǵdaıdy baǵalaý matrıtsasynda Almaty «jasyl aımaqta» tur, maýsym aıynda barlyǵy 497 adamnan koronavırýs anyqtaldy.
Naýqastardyń kópshiligi, ıaǵnı bul 275 adam, múldem ekpe almaǵan, 112-si tolyq ekpe alǵan, biraq jarty jyldan keıin tıisti revaktsınatsııadan ótpegen.
«Jalpy ımmýnıteti álsiregender men joqtar aýrýǵa shaldyqqandardyń 84%-yn qurady. Bul jaǵdaı vaktsınatsııa men revaktsınatsııa almaǵandar stels-omıkronyna shaldyǵyp jatqanyna dálel»,- dep qosty departament ókilderi.
Sondaı-aq vaktsınany bir jyldan astam ýaqyt buryn alǵandardyń da vırýs juqtyrýy múmkin. Stels -omıkronnyń álsiregen ımmýnıtetti buzyp, aǵzaǵa enetin qabileti joǵary. «Búgingi tańǵa qalyptasqan qarqynmen COVID-19 aýrýy jalǵasa berse, Almaty qalasy koronavırýstyń epıdemıologııalyq jaǵdaıyn baǵalaý matrıtsasynyń sary aımaǵyna ótýi ábden múmkin. Osy jaǵdaıdyń aldyn alý, boldyrmaý maqsatynda qala turǵyndaryn vaktsınatsııalaý men revaktsınatsııalaý qajet, ásirese múldem vaktsına almaǵandardy»,- dep atap ótti vedomstvodan.
