Almatyda koronavırýstyń mýtatsııalanǵan shtamdary tarap jatyr - dárigerler
ALMATY. QazAqparat - Almaty qalasy sanıtarlyq-epıdemıologııalyq baqylaý departamenti qalada mýtatsııalanǵan shtamdardyń tarap jatqanyn málimdep, almatylyqtardy qorǵaný sharalaryn kúsheıtýge shaqyrady, dep habarlaıdy QazAqparat tilshisi.
Megapolıste epıdemıologııalyq jaǵdaı ýshyǵyp tur. Almaty qalasy «qyzyl aımaqta». Epıdemııa bastalǵaly beri qalada koronavırýs ınfektsııanyń 34083 jaǵdaıy tirkelgen, jyl basynan beri- 15562 koronavırýs juqtyrǵan naýqas anyqtaldy. Sońǵy 7 kúnde aýrý kórsetkishi R-1,114 reprodýktıvti sanynda 149,4 qurady.
30 naýryz kúni 526 jaǵdaı tirkeldi, táýliktik ósim 1,5 paıyz.
«Aýrý juqtyrýdyń kóbeıýi mýtatsııalanǵan shtammdardyń anyqtalýyna baılanysty. Onda ınkýbatsııalyq kezeń qysqa. Epıdemııanyń damý dınamıkasynyń sońǵy 7 kúngi sıpattamasy mynandaı: 23 naýryzda - 380 jaǵdaı, 24 naýryzda – 341 jaǵdaı, 25 naýryzda - 330 jaǵdaı, 26 naýryzda – 450 jaǵdaı, 27 naýryzda - 510 jaǵdaı, 28 naýryzda-415 jaǵdaı, 29 naýryzda – 545 jaǵdaı, 30 naýryzda – 526 jaǵdaı»,- deıdi Almaty qalasy sanıtarlyq-epıdemıologııalyq baqylaý departamenti basshysynyń orynbasary Ásel Qalyqova.
Departament taratqan málimetke sáıkes, kúsheıtilgen karantın sharalarynyń arqasynda saýda ortalyqtaryndaǵy juǵý deńgeıi sál tómendegen. Máselen, ol 23,7% - dan 20,5%-ǵa deıin azaıǵan.
