Almatyda koronavırýstyń aldyn alý sharalary ótti
ALMATY. QazAqparat –Almatyda koronavırýstyń aldyn alý boıynsha óńirlik shtabtyń otyrysy ótti, dep habarlaıdy QazAqparat tilshisi.
Almaty áýejaıynda qala ákiminiń orynbasary Erjan Babaqumarovtyń tóraǵalyq etýimen ótken jıynda áýejaıǵa keletin barlyq halyqaralyq reısterdi baqylaýdyń aǵymdaǵy máseleleri talqylandy.
Sondaı-aq, áýejaıdyń sanıtarlyq jáne shekara qyzmetteriniń koronavırýsty ınfektsııalardyń taralýynyń aldyn alýy boıynsha jumys mehanızmi tekserildi.
Qoǵamdyq densaýlyq basqarmasynyń basshysy Tileýhan Ábildaev qalanyń statsıonarlarynda koronavırýsty ınfektsııanyń taralý qaýpi bar aımaqtardan kelgen JRVI men tumaýdyń belgileri bar 8 emdelýshi bar ekenin aıtty.
«Emdelýshilerdiń jaǵdaıy alańdaýshylyq týǵyzbaıdy. Dınamıkada bári jaqsaryp, qalpyna kelýde. Olardyń altaýy eresek, bir bala ata-anasymen birge balalar juqpaly aýrýlar aýrýhanasynda jatyr», — dedi T. Ábildaev.
Infektsııalyq baqylaýdyń barlyq talaptaryna sáıkes, rezervtik emhana daıyndaldy. Qalanyń medıtsınalyq mekemeleri qajetti dári-dármektermen, kelýshilerge de, medıtsına qyzmetkerlerine de jeke qorǵaný quraldarymen qamtamasyz etildi.
«Almaty qalasynyń Halyqaralyq áýejaı aýmaǵyna 150-den astam halyqaralyq reıs qondy,17 myńǵa jýyq jolaýshy tekserildi. Olardyń 200-ge jýyǵy Qytaı azamaty»,– Taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaǵasymova.
Otyrystyń qorytyndysy boıynsha, Óńirlik shtabtyń tóraǵasy E.Babaqumarov jumys qarqynyn tómendetpeýdi, barlyq halyqaralyq reısterge kúsheıtilgen sanıtarlyq-karantındik baqylaýdy jalǵastyrýdy tapsyrdy.
Sonymen qatar, sanıtarlyq jáne shekara men ekıpaj, medıtsına qyzmetkerleriniń, onyń ishinde jedel járdem qyzmetiniń ózara is-qımylyn pysyqtaý, vırýstyq ınfektsııalardyń aldyn-alý jáne dıagnostıka boıynsha epıdemııaǵa qarsy sharalardy saqtaý boıynsha oqytý ótkizildi. Aıqyn sımptomy bar adamdardy tasymaldaý úshin jedel járdem iske qosyldy. Olar áýejaı aýmaǵynda táýlik boıy kezekshilikpen jumys isteıdi.
Sondaı-aq, oqý-jattyǵýlar aýmaqtyq emhanalarda da ótti. Almatyda koronavırýsty juqtyrý jaǵdaıy tirkelgen joq. Qalanyń barlyq qyzmetteri bekitilgen algorıtimge saı jumys isteıdi. Megapolıstegi jaǵdaı bıliktiń baqylaýynda.
