Almatyda koronavırýstyq ınfektsııanyń jasyryn oshaqtaryn anyqtaý jalǵasady
ALMATY. QazAqparat – Almaty qalasy Taýarlar men qyzmetterdiń sapasyn baqylaý departamentiniń basshysy Aızat Moldaǵasymova brıfıng barysynda koronavırýstyq ınfektsııanyń jasyryn oshaqtaryn anyqtaý jumystary jalǵasatynyn aıtty, dep habarlaıdy QazAqparat tilshisi.
«Bizdiń maqsatymyz – halyq arasyndaǵy indettiń jabyq oshaqtaryn anyqtaý, bul baǵyttaǵy tekserý jumystary jalǵasa beredi. Óıtkeni keıbir adamdarda bul aýrý esh belgisiz ótse, keıbir turǵyndar dárigerge júginbeýi múmkin, sondyqtan osyndaı oshaqtardy qatań tekserý qajet»,–deıdi Aızat Moldaǵasymova.
Sondaı-aq, ol ekspress-test boıynsha sońǵy táýlikte 1064 adamdy teksergenderin aıtty.
«Bul áskerı ınstıtýttar, UQK akademııasy, «Kók bazar», «Barys», «Magným» saýda oryny, bank, poshta, balalar jáne qarttar úıi, 4 klınıka jáne birneshe polıklınıka qyzmetkerlerin qamtydyq»,– dedi ol.
