Almatyda koronavırýsty jasandy ıntellekt arqyly anyqtaıtyn boldy
ALMATY. QazAqparat - Almaty qoǵamdyq densaýlyq saqtaý basqarmasy Tsıfrlandyrý basqarmasy jáne iMedHub kompanııasymen birlesip koronavırýs ınfektsııasymen aýyrýdy bastapqy kezeńinde anyqtaýǵa múmkindik beretin júıeni iske qosty, dep habarlaıdy QazAqparat tilshisi.
Pılottyq jobada jasandy ıntellekt algorıtmderi qoldanylady.
Vırtýaldy saqtaýshy KT arqyly túsirilgen keskinderdi óńdep, taldap ári olardyń sıpattamasyn jazyp , PACS júıesi arqyly bultqa jiberedi.
«IMEDHUB neırondy jelileri jáne medıtsına» jobasy ortalyq stantsııadan alystan (qashyqtan) jedel áreket etý múmkindigi bar sıtýatsııalyq ortalyq ashqan. Ol zertteýge túsken ótinishterdi tirkep, olardy qabyldap, jiberýdi avtomatty túrde jasaýǵa jáne dıagnoz qoıý men medıkamentti terapııa taǵaıyndaýda sheshim qabyldaýǵa múmkindik beredi.
Dáriger men naýqas arnaıy qosymsha arqyly tildese alady. Jasandy ıntellekt mehanızmin paıdalaný arqyly sheshimderdi qoldaý júıesi dıagnoz qoıylǵanǵa deıin adam úshin tóngen qaýip deńgeıin anyqtaýǵa múmkindik beredi. Naýqastyń sol kezdegi jaǵdaıyna baǵa berip, aýrýdyń bastapqy kezinen-aq bolýy múmkin asqynýlardy boljaıdy. Sonymen birge, joba gospıtaldik bloktaǵy árbir patsıenttiń jaǵdaıyn aqyldy monıtorıng jasaıtyn ortalyqtandyrylǵan tsıfrlyq júıeni qurýy, naýqastardy boljanǵan aýyrlyq jaǵdaıyna qaraı klınıkalarǵa bólýi kerek. Árbir naýqastyń emdelýin taldap, naqty statıstıkasyn júrgizý úshin biryńǵaı medıtsınalyq platforma qurylady.
Bıznes-protsessterdi optımızatsııalaý, sáýlelik dıagnostıka bólimshesiniń jumys ónimdiligin arttyrý (ortasha alǵanda 70 paıyzǵa) jáne qarjyny únemdeý maqsatynda Ortalyqtandyrylǵan medıtsınalyq arhıv júıesin (PACS) endirý josparlanyp otyr. Bul sonymen qatar búgingi kúni shamasy 34 paıyz bolyp otyrǵan «kassadan ótpeı qalǵan» jumystardy boldyrmaý arqyly jumystyń ashyqtyǵyn, tazalyǵyn joǵarylatý úshin de qajet.
Árbir medıtsınalyq uıym jergilikti PACS júıesimen (MINI-PACS SERVER) jabdyqtalady. Qalalyq uıymdardyń aqparattyq júıeleri jergilikti PACS júıesimen (MINI-PACS SERVER) ıntegratsııalanatyn bolady, bul vırtýaldy saqtaýshy bultty medıtsınalyq muraǵatqa (CloudPACS Server) berýdi qamtamasyz etedi.
Odan bólek, barlyq málimetterdi (keskinder) veb-qaraý quraly usynylǵan. Qajet bolǵan jaǵdaıda, kez kelgen óndirýshiniń rentgenologynyń tolyqqandy jumys ornyn qosýǵa bolady. Ortalyqtandyrylǵan medıtsınalyq muraǵattyń (PACS) sheteldik sheshimderge qaraǵanda 2,5 ese arzan ekenin atap ótken jón. Ortalyqtandyrylǵan medıtsınalyq muraǵat juıesiniń (PACS) kómegimen dıagnostıkalyq jabdyqtardan dárigerge jáne bir dárigerden ekinshisine sýretterdi berý, derekterdi, keskinderdi elektrondy arhıvte saqtaý operatsııalary qoljetimdi bolady. Barlyq medıtsınalyq uıymdar derekterge qashyqtan qol jetkize alady.
Qazirgi sátte «IMEDHUB neırondy jelileri jáne medıtsına» jobasy №1 qalalyq emhanasy jáne №7 qalalyq klınıkalyq aýrýhanalarynyń aqparattyq júıelerimen biriktirilgen (ıntegratsııalanǵan), sonymen qatar jaqyn arada 56 emhanany qosý da kózdelgen. Bularmen qatarlasa №29 qalalyq emhana men №18 qalalyq emhanalaryn da biriktirý boıynsha pılotty jobalar júrgizilýde.
Bul joba jeke IT-bıznes pen medıtsınalyq uıymdar basqarmalary arasyndaǵy ózara árekettesýdiń jaqsy keısi bolyp otyr.
