Almatyda koronavırýsty qaıta juqtyrǵan 17 naýqas tirkeldi
ALMATY. QazAqparat – Megapolıste koronavırýsty qaıta juqtyrý derekteri tirkelýde. Bul týraly onlaın brıfıng barysynda Almaty qalasy sanıtarııalyq-epıdemıologııalyq baqylaý departamentiniń basshysy Jandarbek Bekshın aıtty, dep habarlaıdy QazAqparat tilshisi.
Onyń aıtýynsha, Almatyda vırýsty qaıta juqtyrýdyń 17 jaǵdaıy tirkeldi. Olarda byltyrǵy jyldyń jazynda koronavırýs ınfektsııasy sımptomsyz ótken. Endi klınıkalyq belgimen ótip jatyr.
«Byltyr tórt jaǵdaı tirkelgen bolatyn. Bıyl jyl basynan beri 17 adam koronavırýsty qaıta juqtyrdy. Ony biz arnaıy baza arqyly anyqtaımyz. ıAǵnı, ekinshi ret juqtyrǵan naýqasty bazaǵa engizgen kezde ol qabyldamaıdy. Demek, ol shilde aıynda shartty túrde aýyrǵan. Ári qaraıǵy jumys óte qıyn. Bul qaıtalanǵan ınfektsııa ma, álde uzaqqa sozylǵan vırýs tasymaldaýshysy ma, osyny anyqtaý qajet «, - dedi Bekshın.
Buǵan deıin ol Almatyda koronavırýs juqtyrǵan balalardyń sany kúrt kóbeıgenin aıtqan bolatyn.
