Almatyda koronavırýstan qaıtys bolǵandardy jerleıtin oryn daıyndaldy
ALMATY. QazAqparat – Almatyda COVID-19 qurbandary úshin arnaıy polıgon anyqtaldy. Bul týraly Almaty qalasy taýarlar men qyzmetter qaýipsizdigin baqylaý departamentiniń basshysy Aızat Moldaqasymova onlaın-brıfıngte aıtty, dep habarlaıdy QazAqparat tilshisi.
Aızat Moldaqasymovanyń aıtýynsha, jedel shtab jerleý algorıtmin ázirlegen.
«Almatyda qaza tapqandar joq, biraq sharalar qarastyrylǵan. Arnaıy algorıtmge sáıkes jerlenedi. Máıit dereý dezınfektsııalanady. Belgili bir qorǵanys quraldarynda saqtalady. Jerleýge qatysatyn adamdardyń sany shekteýli bolmaq», - deıdi Aızat Moldaqasymova.
Onyń aıtýynsha, polıgon qaladan tys jerde ornalasqan, mańynda eldi mekender joq, sáıkesinshe barlyq qajetti qaýipsizdik sharalarymen qaladan oqshaýlanǵan.
