Almatyda koronavırýstan qaıtys bolǵan eki adamnyń da hali aýyr bolǵan
ALMATY. QazAqparat – Almatyda koronavırýs ınfektsııasynan qaıtys bolǵan eki adamnyń da hali aýyr bolǵan. Bul týraly Almaty qalalyq Qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.
Qazirgi ýaqytta Almatyda koronavırýs ınfektsııasyn juqtyrýdyń rastalǵan 525 jaǵdaıy tirkelgen.
«Sońǵy táýlikte taǵy 12 jaǵdaı tirkeldi. Olardyń barlyǵy provızorlyq gospıtaldarda karantındegi naýqastarmen baılanysta bolǵandar. Keshe Sovid-19 dıagnozymen eki adam qaıtys boldy. Dúnıeden ótken bul eki adam da densaýlyqtary asa aýyr halde bolǵan edi»,– dep habarlady basqarmadan.
Onyń bireýi 1958 jyly týǵan er adam. Patsıenttiń bul ınfektsııadan basqa jiti búlingen pankreatıti, aýyr dárejeli qan azdyq, arterıaldyq gıpertonııa degen sııaqty qosymsha aýrýlary bolǵan. Júrek qyzmeti toqtaý sebebinen kóz jumdy.
Ekinshisi 1931 jyly týǵan áıel, ol sondaı-aq júrektiń ıshemııalyq aýrýy, arterııalyq gıpertenzııa, dıstsırkýlıatorlyq entsefalopatııa sııaqty qosymsha dıagnozdarmen aýyr kúıde bolǵan.
Jalpy, juqpaly aýrýlar statsıonarlarynda Almaty oblysynan naýqas áıeldi esepke ala otyryp, 436 adam koronavırýstyq ınfektsııadan emdelýde.
Eki patsıenttiń jaı-kúıi – óte aýyr, 6-ýynda – aýyr, 138 adamda – aýyrlyqtyń ortasha dárejesinde jáne qalǵan adamdardyń jaı-kúıi – qanaǵattanarlyq.
84 patsıent koronavırýstyq ınfektsııadan saýyǵyp, emdeýden shyǵaryldy.
Provızorlyq gospıtaldarda 294 adam, karantındik oqshaýlaýda 520 adam, úı karantıninde 9764 adam bar.
