Almatyda koronavırýstan qaıtys bolǵan áıeldiń basqa da sozylmaly aýrýlary bolǵan
ALMATY. QazAqparat– Almatyda koronavırýs ınfektsııasynan qaıtys bolǵan áıeldiń basqa da sozylmaly aýrýlary bolǵan. Bul týraly Almaty qalasy qoǵamdyq densaýlyq saqtaý basqarmasysynyń basshysy Tileýhan Ábildaev málim etti, dep habaprlaıdy QazAqparat t ilshisi.
Onyń aıtýynsha, patsıent baılanysta bolǵandar qatarynan, onyń oń taldaýy 16 naýryzda anyqtaldy. Qosymsha aýrýlary bolýyna baılanysty ol 18 naýryzda reanımatsııa jáne qarqyndy terapııa bólimshesine ornalastyryldy.
Naýqas, atap aıtqanda, ókpeniń sozylmaly obstrýktıvti aýrýlarymen, júrektiń sozylmaly jetkiliksizdigi men júrektiń ıshemııalyq aýrýlarymen, stenokardııa, arterııalyq gıpertenzııa dertimen aýyratyn.
«Júrgizilgen qarqyndy terapııaǵa qaramastan jaǵdaı polıorgandyq jetkiliksizdiktiń – tynys alý, júrek-qan tamyrlarynyń damýyna baılanysty progressıvti túrde nasharlady. 9 sáýirde qosymsha aýrýlarynyń údeýi aıasynda saǵat 23.20-da qan aınalymy toqtady. 30 mınýt ishinde júrgizilgen reanımatsııalyq is-sharalar sátsiz bolyp, saǵat 23.50-de qaıtys bolǵany anyqtaldy. Negizgi dıagnozy: COVID-19 koronavırýstyq ınfektsııasy, rastalǵan jaǵdaı. Eki jaqty polısegmentti pnevmonııa, aýyr aǵymy. Eki jaqty plevrıt. Ókpeniń isinýi, Laıella sındromy»,-deıdi Tileýhan Ábildaev.
