Almatyda koronavırýstan bir aılyq náreste kóz jumdy

ALMATY. QazAqparat- Almatyda koronavırýstan bir aılyq náreste kóz jumdy. Bul týraly onlaın brıfıng barysynda qalalyq qoǵamdyq densaýlyq saqtaý basqarmasynyń bastyǵy Narıman Tabynbaev aıtty, dep habarlaıdy QazAqparat tilshisi.

«Osydan bir aı buryn Almatyda bir aılyq bala koronavırýstan qaıtys boldy. Ókinishke oraı, onyń ómirin saqtap qala almadyq»,- deıdi basqarma basshysy.

Onyń aıtýynsha, qazir koronavırýs juqtyrǵan 195 bala aýrýhanada em qabyldap jatyr.

«Qazaqstanda, ásirese Almatyda koronavırýs juqtyrǵan balalardyń sany artyp keledi. Búginde 195 naýqas bala aýrýhanada jatyr. 2540 bala úıden em alýda. Eki bala jansaqtaý bóliminde «, - dep túsindirdi Narıman Tabynbaev.