Almatyda koronavırýstan 57 jastaǵy naýqas qaıtys boldy
ALMATY. QazAqparat–Almaty qalasynda koronavırýs indetinen ekinshi naýqas kóz jumdy. Ol 1963 jyly týǵan er adam, dep habarlaıdy QazAqparat tilshisi.
Almatyda COVID-19 ınfektsııasynan bir naýqas kóz jumǵany jóninde buǵan deıin habarlaǵan bolatynbyz.
29 naýryzda jedel medıtsınalyq járdem brıgadasy azamatty «eki jaqty polısegmentarly ókpe qabynýy» dıagnozymen statsıonarǵa jetkizip, koronavırýs ınfektsııasyna analız alǵan. 1 sáýirde jaǵdaıynyń nasharlaýyna baılanysty ókpeni jasandy jeldetý apparatyna qosylǵan. Júrgizilgen qarqyndy terapııaǵa qaramastan, jedel tynys alý, júrek-qan tamyrlary jáne jiti baýyr jetispeýshiligi saldarynan naýqastyń jaǵdaıy kúrt nasharlaı túsken. Emdelýshiniń anamnezinde ekinshi satydaǵy qant dıabeti de bolǵan.
«Búgin 10 sáýirde saǵat 18:00-de polıorgandyq jetispeýshiliktiń ulǵaıýynan júrek qyzmeti toqtady. 30 mınýt ishinde ótkizilgen reanımatsııalyq is-sharalar sátsiz aıaqtaldy. Saǵat 18:30 - da bıologııalyq ólim tirkeldi», - dedi Almaty qalasy Qoǵamdyq densaýlyq basqarmasynyń basshysy Tileýhan Ábildaev.
Buǵan deıin, Tileýhan Ábildaev qaıtys bolǵan birinshi naýqas týraly aıtqan bolatyn.
Qazir Almatyda koronavırýs ınfektsııasyn juqtyrýdyń rastalǵan 123 faktisi tirkelgen. 28 adam jazylyp, úılerine shyǵaryldy.
