Almatyda koronavırýstan 4 aılyq qyz bala jazylyp shyqty
ALMATY. QazAqparat - Almatyda koronavırýs ınfektsııasynan 6-7 mamyr kúnderi 72 naýqas emdelip, úıine shyǵaryldy. Olardyń ishinde 4 aılyq qyz bala da bar, dep habarlaıdy QazAqparat tilshisi.
Qalalyq Qoǵamdyq densaýlyq saqtaý basqarmasynyń habarlaýynsha, sábı ınfektsııa juqtyrǵandarmen jaqyn baılanysta bolyp, 16 sáýirde anasymen birge aýrýhanaǵa túsken.
Sábıge «asqynǵan bronhıt» dıagnozy qoıylyp, jaǵdaıy ortasha dárejede boldy.
Qazir ol anasymen birge saýyǵyp, emhanadan shyǵaryldy. Basqarmanyń málimetinshe, basqa emdelýshilerdiń jaǵdaıy jaqsy.
Osy ýaqytqa deıin Almatyda qaýipti indetten 299 adam jazylyp shyqqan.
