Almatyda koronavırýspen kúreske 12,2 mlrd teńge bólingen

ALMATY. QazAqparat – Almatyda koronavırýspen kúreske bólingen 12,2 mlrd teńgeniń 8,9 mlrd teńgesi ıgerilgen, dep habarlaıdy QazAqparat tilshisi.

«Koronavırýspen kúreske 12,2 mlrd teńge bólindi. 1 shildede qarjylandyrý kólemi 11,4 mlrd teńge boldy, onyń 86,8%-y, 8,9 mlrd teńgesi ıgerilgen», - dedi Qoǵamdyq keńes otyrysynda Almaty boıynsha revızııalyq komıssııa tóraǵasynyń orynbasary Álfııa Raqysheva.

Bıýdjettik baǵdarlama ákimshileri usynǵan aqparatqa sáıkes koronavırýsqa qarsy Almatyda jeke qorǵanys quraldary satylyp alynǵan, aýrýhana salynǵan. Sondaı-aq, kólik quraldaryn, podezder men aýlalardy zararsyzdandyrý júrgizilgen. Qoǵamdyq tártip pen qoǵamdyq qaýipsizdikti qamtamasyz etý qyzmetterinde jumys isteıtin, epıdemıologııalyq sharalardy uıymdastyrýǵa qatysqan azamattardy ornalastyrýǵa qarajat jumsaldy.