Almatyda koronavırýspen kúresip jatqan dárigerler týraly fılm túsirildi
NUR-SULTAN. QazAqparat – Almatyda koronavırýs ınfektsııasymen uıqysyz, demalyssyz kúresip jatqan dárigerlerdiń aýyr jumysy týraly fılm túsirildi, dep habarlaıdy QazAqparat tilshisi.
Ekshn kameramen túsirilgen fılmniń ereksheligi – oqıǵanyń shynaıy ómirden alynǵandyǵynda. Fılmge kásibı akterlerdiń ornyna dárigerlerdiń ózderi túsken.
Atalǵan fılmniń úzindisi Almaty qalasy ákiminiń baspasóz hatshysy Áset Muqajanovtyń Instagram paraqshasynda jarııalandy.
«Kóbinese koronavırýstyń bar ekenine senbeı, ne úshin qamalǵanyn surap, test qorytyndysyn talap etetinder bar. Mysaly, búgin eki adam emdelip shyqqaly jatyr. Adamdar dárigerlerdiń sózine qaraǵanda «Aýyrǵandardyń túrin, vıdeosyn kórdińder me?» degenderdiń sózine kóbirek senip ketedi. Amal qansha, bárine shydaımyz. Uıyqtap jatqan balamyzdyń basynan ıiskep, jarymyzǵa amanat etip, qoshtasyp kettik... «, - dáriger anestezıolog jáne reanımatolog Murat Amanbaev.
