Almatyda koronavırýspen aýyratyndardyń basym bóligi balalar

ALMATY. QazAqparat - Almatyda koronavırýs juqtyrǵandardyń sany artyp keledi. Onymen aýyratyndardyń basym bóligi balalar. Bul týraly I. Jekenova atyndaǵy qalalyq klınıkalyq ınfektsııalyq aýrýhananyń bas dárigeriniń orynbasary Tamara Ýtaganova aıtty, dep habarlaıdy QazAqparat tilshisi.

Dárigerdiń aıtýynsha, Almatyda koronavırýs juqtyrǵan 140 adam em alýda. Onyń basym bóligi balalar. Arasynda 5 jasqa deıingi balalar bar. Sonymen qatar, eresekter arasynda qaýip-qater tobyna jatatyn qarttar men júkti áıelder bar. Olardyń sany balalarǵa qaraǵanda az.

«Almatyda búginde ótken jyldardaǵydaı maýsymǵa baılanysty basqa da juqpaly aýrýlar bar. Mysaly, qazirgi jedel ishek ınfektsııasynyń mezgili. Osyǵan oraı, onymen aýyratyndar kezdesedi. Kúndelikti bizdiń aýrýhanaǵa 15-ke deıin adam kelip, qaralady, 10 shaqty adam aýrýhanaǵa jatady. Sondyqtan biz qazir koronavırýstan bólek, jyl saıyn kezdesetin juqpaly aýrýlardyń aldyn alý jumystarymen aınalysýdamyz»,- dedi Tamara Ýtaganova.

Ol sondaı-aq jedel respıratorly vırýstyq ınfektsııa boıynsha qazir jaǵdaı turaqty ekenin aıtty.

«Qazir turǵyndar arasynda vaktsına alǵandar, revaktsınanatsııa jasaǵandar óte kóp. Onyń ústine qaıta ımýnızatsııa, qaıta revaktsınatsııa alyp jatqandar sany kóp. Sondyqtan eger aýrýdyń sanyna emes, sapasy jaǵynan aýyrlyǵyna qaraıtyn bolsaq, jaǵdaı áldeqaıda turaqty», - dedi dáriger.