Almatyda koronavırýspen aýrýhanaǵa túsip jatqandar - negizinen 70 jastan asqan naýqastar

ALMATY. QazAqparat - Almatyda epıdemıologııalyq jaǵdaı jaman emes. Bul týraly onlaın brıfıng barsynda qoǵamdyq densaýlyq basqarmasynyń ókili, telemedıtsınanyń dırektory Laýra Myrzaǵalı aıtty, dep habarlaıdy QazAqparat tilshisi.

«Naýryzdyń 5-8 aralyǵynda kópshilik qaýipsizdik sharalaryn durys saqtamaǵandyqtan aýrý sany artty. Sondyqtan biz tósek-orynnyń tolýyn 30 paıyz deńgeıinde ustap turý úshin 1 866 oryndy 3400-ge deıin kóbeıttik. Basqa aýrýhanalarda da qala turǵyndaryna jedel kómek kórsetý úshin tósek-oryn daıyndalǵan»,-deıdi ol.

Sonymen qatar, ol Almaty qalasynyń «qyzyl» aımaqqa engenin tilge tıek etti.

«Kún jylyndy, óńirlerden qalaǵa jumys isteýge adamdar kóptep kele bastady. Qurylys jáne vahtalyq jumys maýsymy bastalyp jatyr. Osyǵan baılanysty júris-turys ta kóbeıdi. Degenmen qalada qorqatyndaı dúrbeleń joq. Bastysy - qaýipsizdik sharalaryn saqtaý kerek»,-deıdi Laýra Myrzaǵalı.

Telemedıtsına ortalyǵy dırektorynyń sózinshe, adamdar aýrýdy elemeıdi.

«Qazir qalada 2 246 naýqas koronavırýs ınfektsııasynan em alyp jatyr. Onyń 238-i sońǵy táýlikte tústi. Adamdar kóbine aýrýyn elemeı júrip alady. Aýrýhanaǵa túsip jatqandar - negizinen 70 jastan asqan adamdar»,- dep qosty spıker.