Almatyda koronavırýsqa vaktsınatsııa jalǵasyp jatyr
ALMATY. QazAqparat - Almatynyń Naýryzbaı aýdanynda 3500 adam ekpe aldy. Bul týraly qalalyq Qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.
Vaktsınatsııa naýqany bastalǵaly Naýryzbaı aýdanynda koronavırýsqa qarsy ekpeni 3500 adam saldyrdy. Onyń ishinde, 954 medıtsına qyzmetkeri, 571 pedagog, 138 polıtsııa qyzmetkeri, 45 stýdent, 51 ІІM qyzmetkeri, sozylmaly aýrýmen aýratyn 100 adam jáne 1 myń turǵyn bar.
«Ótken tórt eshelon boıynsha 2910 adamǵa ekpe salyndy. Munda eń aldymen, ımmýnızatsııany juqpaly aýrýlar aýrýhanasynyń, jedel járdem kómeginiń, reanımatsııa, medıtsınalyq-sanıtarlyq alǵashqy kómektiń, qabyldaý bólimshesiniń jáne sanıtarlyq-epıdemıologııalyq qyzmettiń jumyskerleri alatynyn atap ótken jón. Ekinshi kezeńde jalpy bilim beretin mektepterdiń, joǵary oqý oryndarynyń pedagogtary, birinshi satyǵa kirmegen medıtsına qyzmetiniń jumyskerleri qamtylǵan. Úshinshi kezeńde mektep-ıntenattar, mektepke deıingi balalar mekemesiniń pedagogtary, stýdentter jáne sozylmaly aýrýmen aýratyndar, medıtsınalyq-áleýmettik mekemeniń qyzmetkerleri egiledi», - dep habarlady basqarmadan.
2 sáýirden bastap megapolıste vaktsınatsııanyń 5 transhy bastaldy. Búgingi tańda qalanyń barlyq turǵyndary vaktsınatsııadan ótýde. Vaktsınany alýdyń jalǵyz sharty – qalanyń kez kelgen emhanasyna tirkelý. Eger sheteldik azamattyń elde turýǵa yqtııarhaty bar jáne ol emhanaǵa tirkelgen bolsa jáne medıtsınalyq kómektiń barlyq qajetti kólemin ala alatyn bolsa olarǵa vaktsına da qoljetimdi.
«Kúndelikti shamamen 60 adamǵa ekpe salynady. Ekpe salynǵandardyń barlyǵynyń jaı-kúıi jaqsy. Osy ýaqytqa deıin beıtarap áserler anyqtalmady. Bizdiń azamattarymyzben birge shet el azamattary da vaktsına alyp jatyr. Búgin mysalǵa, turýǵa yhtııar haty bar, qaladaǵy emhanaǵa tirkelgen Ońtústik Koreıanyń 5 azamaty keldi. Olardyń barlyǵy vaktsına aldy», - dedi №36 Qalalyq emhananyń bas dárigeri orynbasarynyń mindetin atqarýshy Venera Tohtahýnova.
Naýryzbaı aýdany boıynsha vaktsınany salý №7 qalalyq klınıkalyq aýrýhanada, №26, 27, 36 qalalyq emhanalarynda kúndelikti tańyǵy saǵat 8:00-den 20:00-ge deıin júrgiziledi. №36 qalalyq emhanada vaktsına salý ekinshi qabattaǵy 209 kabınette, al, ekinshi kezeńi- ıaǵnı, revaktsınatsııa 1 qabattaǵy 104 kabınette júrgizilip jatyr.
«Ekpe alýǵa nıet bildirgenderdiń bárin vaktsınatsııaǵa shaqyramyz», - dep atap ótti Venera Tohtahýnova.
Esterińizge sala keteıik, vaktsınatsııalaýǵa ótinimdi Egov mobıldik qosymshasy arqyly onlaın berýge bolady. Ekinshi komponentti alý úshin eki ret ótinish berýdiń qajeti joq. Naýqas 21 kúnnen keıin belgili bir mekenjaıǵa barý kerek ekendigi týraly habarlama alady. Árbir emhanada koll-ortalyq bar, sondaı-aq 1406 qysqa nómiri jumys isteıdi.
Eske salaıyq, búgin Almatyda medıtsınalyq mekemelerden tys nysandarda koronavırýsqa qarsy egý pýnkteri ashyldy.
