Almatyda koronavırýsqa testti qaı jerde tapsyrýǵa bolady
ALMATY. QazAqparat – QR Densaýlyq saqtaý mınıstrligi Taýarlar men kórsetiletin qyzmetterdiń sapasyn jáne qaýipsizdigin baqylaý komıteti Almatyda koronavırýsqa test tapsyrý sharttaryn atady, dep habarlaıdy QazAqparat tilshisi.
Komıtettiń Telegram-kanalynda taratylǵan aqparatqa sáıkes, koronavırýstan testti kez kelgen adam tapsyra almaıdy.
«Testti tek dárigerdiń baǵyttaýymen ǵana tapsyrýǵa bolady. Kóp adamdar ózderiniń kóńilin ornyna túsirý úshin COVID-19-ǵa test tapsyrǵysy keledi. Resmı túrde taldaýlar Almatydaǵy 3 akkredıttelgen zerthanada tapsyrylady. Testileýden ótý úshin salmaqty argýment qajet - adamda qandaı da belgiler bolýy tıis. Al dene qyzýy joǵarylap, jótel bastalsa jergilikti emhanadan dáriger shaqyrtý kerek. Ekspress-testiler ózin shynymen de jaısyz sezingen adamdarǵa arnalǵan», - delingen aqparatta.
