Almatyda koronavırýsqa shaldyqqandar sany ósip barady
ALMATY. QazAqparat -Almaty qalasy sanıtarlyq-epıdemıologııalyq baqylaý departamenti basshysynyń orynbasary Ásel Qalyqova onlaın brıfıng barysynda kornavırý juqtyrǵandar sanynyń artandyǵyn málim etti, dep habarlaıdy QazAqparat tilshisi.
Ásel Qalyqovanyń aıtýynsha, Almatyda koronavırýsty juqtyryp, aýyrǵandar sanynyń kóbeıýi jalǵasýda. Onyń qashan toqtap, juqtyrý deńgeıiniń tómendeýi bul qala turǵyndarynyń koronavırýstyń aldyn alý sharalaryn saqtaýyna, sondaı-aq halyqtyń vaktsınatsııaǵa qanshalyqty belsendi qatysatynyna baılanysty.
Ázirge Almatyda KVI boıynsha epıdemıologııalyq kórinis optımıstik baǵytta emes.
«2021 jyldyń basynan beri qalada 24 378 juqtyrý oqıǵasy tirkeldi, sońǵy táýlikte 612 jaǵdaı anyqtaldy. Іs júzinde 1-13 sáýir aralyǵynda koronavırýs ınfektsııanyń 8301 jaǵdaıy tirkeldi»,- dedi Almaty SEBD basshysynyń orynbasary.
Ásel Qalyqovanyń pikirinshe, halyqqa bosańsymaý kerek, qorǵaný sharalaryn saqtaýdy jalǵastyryp, vaktsınatsııa qarqynyn arttyrý qajet. Sonda ǵana kóktemniń sońynda naýryz jáne sáýir aılarymen salystyrǵanda aýrýdyń azaıǵanyn kórýimiz múmkin.
«Aǵymdaǵy jyly KVI indetiniń damý qarqyny mynadaı: qańtar – 3607 jaǵdaı, aqpan – 2945, naýryz – 9525, sáýirdiń 13 kúninde – 8301 jaǵdaı. Almaty qalasynda koronavırýs ınfektsııanyń kóbeıý sebepteri, buǵan deıin de aıtylǵandaı, eń aldymen, COVID-19 mýtatsııalanǵan shtamdarynyń taralýynan. Aýyrǵandardyń kóbeıýi mýtatsııalanǵan shtamdardyń anyqtalýymen sáıkes keledi, onda qysqa ınkýbatsııalyq kezeń, barlyq jas toptarynyń, onyń ishinde 1 jasqa deıingi balalardyń da juqtyryp, naýqastanýy, ınfektsııanyń aýyr ótetini jáne odan joǵary ólim-jitim baıqalady»,-dedi spıker.
Epıdemıolog balalar arasynda juqtyrýdyń kóbeıýine baılanysty ata-analardan balalaryn adamdar kóp jınalatyn jerlerge, onyń ishinde saýda-oıyn-saýyq ortalyqtarynda bolýyna jol bermeý sharalaryn qabyldaýǵa shaqyrdy. Sonymen qatar, eresekterge karantın kezeńinde balalardy úıde bos otyrmaýyn qamtamasyz etý kerek.
