Almatyda koronavırýsqa qarsy vaktsınanyń 166 myń dozasy bar
ALMATY. QazAqparat - Almaty qalasynda bir táýlikte 3 631 adam koronavırýsqa qarsy vaktsına saldyrdy, dep habarlaıdy QazAqparat tilshisi.
Qoǵamdyq densaýlyq saqtaý basqarmasy taratqan málimetke sáıkes, 9 maýsym kúni 3 631 almatylyq vaktsına saldyrdy.
Bıylǵy jyldyń 1 aqpany men 9 maýsymy aralyǵynda qalada barlyǵy 325 131 adamǵa ekpe salyndy. Onyń ishinde 5 154 polıtsııa qyzmetkeri, 24 421 muǵalim, 29 634 medıtsına qyzmetkeri bar.
Vaktsına alǵandardyń jalpy sanynan 60 jastan asqan qart kisiler – 30 954.
Ekpeniń eki komponentin 210 620 adam aldy.
Qalada 208 egý pýnkti jumys istep tur. 1 256 adamnan turatyn 307 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
Qazir medıtsınalyq uıymdarda, mektepterde, mádenıet, sport obektilerinde, bazarlar men qalanyń saýda, oıyn-saýyq ortalyqtarynda vaktsınatsııa pýnkteri jumys isteıdi.
«Qala boıynsha vaktsınanyń qaldyǵy – birinshi komponenttiń 55 424 dozasy jáne ekinshi komponenttiń 111 195 dozasy bar» - dep habarlady Almaty qalasy Qoǵamdyq densaýlyq basqarmasynyń baspasóz qyzmetinen.
